ОУ-ын байгууллагаас Ерөнхийлөгчийн сонгуулийг ажиглах тусгай хороог байгуулжээ : Тал нутгийн цахим мэдээлэлийн сайт

Өнөөдөр шөнө 3x3 сагсан бөмбөгийн...

ОУ-ын байгууллагаас Ерөнхийлөгчийн сонгуулийг ажиглах тусгай хороог байгуулжээ

Бат-Ирээдүй 2021-05-26

Европын аюулгүй байдал хамтын ажиллагааны байгууллага (ЕАБХАБ)-ын Ардчилсан институт, хүний эрхийн газар (АИХЭГ)–аас Монгол Улсын Ерөнхийлөгчийн сонгуулийг ажиглах тусгай хороог (САТХ) өнөөдөр албан ёсоор нээж байна.

Сонгууль ажиглах тусгай хороог Монгол Улсын Засгийн газрын урилга болон 3-р сард ЕАБХАБ-ын Ардчилсан институт хүний эрхийн газраас хийсэн Урьдчилсан үнэлгээний хорооны тайланд үндэслэн байгуулсан.

Сонгууль ажиглах тусгай хороог Лолита Чигане (Латви) удирдах бөгөөд 9 олон улсын шинжээчдийн бүрэлдэхүүнтэй үндсэн баг Улаанбаатар хотод ажиллана.

Тусгай хороо нь Ерөнхийлөгчийн сонгуулийг ажиглахдаа ЕАБХАБ-ын гишүүн орнуудын хүлээсэн үүрэг амлалт, ардчилсан сонгуультай холбогдох бусад олон улсын стандарт, үндэсний хууль тогтоомжтой нийцэж буй эсэхэд үнэлгээ өгнө.

Ажиглагчид нь сонгуулийн хууль тогтоомжийн хэрэгжилт, сонгуулийн сурталчилгаа, сонгогчдын бүртгэл, сонгуулийн байгууллагын болон холбогдох төрийн байгууллагуудын үйл ажиллагаа, хэвлэл мэдээллийн орчин, сонгуультай холбоотой маргааныг шийдвэрлэж буй үйл явц зэргийг нягт ажиглана.

Ажиглалт хийх явцдаа Сонгууль ажиглах тусгай хороо нь холбогдох төрийн байгууллагууд, улс төрийн намууд, иргэний нийгэм, хэвлэл мэдээлэл болон олон улсын байгууллагуудын төлөөлөлтэй уулзах болно. Сонгууль ажиглах тусгай хороо нь Монгол Улсын эрүүл мэндийн байгууллагуудтай нягт хамтран ажиллаж, холбогдох дүрэм журмын дагуу үйл ажиллагаагаа явуулна.

АИХЭГ-ын сонгууль ажиглах хорооны арга зүйн дагуу сонгуулийн өдөр санал хураалт, санал тоолох, дүнг нэгтгэх зэрэг ажиллагааг системтэйгээр, нягт ажигладаг бол энэхүү Сонгууль ажиглах тусгай хороогоор санал авах өдөр тодорхой тооны сонгуулийн хэсгийн хороонд хорооны гишүүд, шинжээчид айлчлал хийнэ.

Сонгуулийн өдрийн маргааш нь АИХЭГ хэвлэлийн бага хурал зарлаж, сонгуулийн үйл явцын талаарх урьдчилсан дүгнэлт, ололтоо танилцуулна. Хэвлэлийн бага хурлын урилгыг тусад нь хүргүүлэх болно.

Эцсийн тайланд сонгуулийн үйл явцыг бүхэлд нь дүгнэхийн сацуу зөвлөмж тусгасан байх бөгөөд сонгууль дууссанаас хойш ойролцоогоор хоёр сарын дараа олон нийтэд мэдээлнэ.

ФОТО:

Сэдвүүд : #Сонгууль

ХОЛБООТОЙ МЭДЭЭ

МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.