Эрүүл мэндийн яамнаас коронавируст халдварын нөхцөл байдлын талаар мэдээлж байна.

 

Сүүлийн 24 цагт коронавируст халдварын 2271 тохиолдол бүртгэгдлээ. Мөн 11 хүн коронавирусийн халдварын хүндрэлийн улмаас амь насаа алдлаа. Ингээд нийт бүртгэсэн халдварын тоо 104900 болсон бол 493 хүн тус өвчний улмаас нас бараад байна. Харин 977 хүн эдгэрснээр нийт 67579 хүн эдгэрчээ.

 

Өчигдөр 2271 халдвар илэрсний Улаанбаатар хотод 1231, орон нутагт 1040 хүнээс халдвар илэрчээ. Улаанбаатарт халдвар бага зэрэг буурсан бол орон нутагт нэмэгдээд байна.

 

Өнөөдрийн байдлаар эмнэлэгт 13296 хүн эмчлүүлж буй бөгөөд биеийн байдлаар ангилбал,

 

маш хүнд 239

хүнд 1144

хүндэвтэр 3149

хөнгөн 8764 хүн байна.

Биеийн байдал нь хүнд, хүндэвтэр байгаа иргэдийг эмнэлэг рүү татах, шинж тэмдэг хөнгөн илэрч буйг нь гэрээр эмчлэхээс өөр аргагүй байдалд хүрсэн. Эмнэлгийн орны хүртээмж, ажиллах хүчний хувьд асар өндөр ачаалалтай байгаа тул иргэдийн хувь нэмэр маш чухал байна. Цаашид нэмж ор дэлгэсэн ч гэсэн ажиллах эрүүл мэндийн ажилтан хүрэлцэхгүй байгаа тул хүн бүр өөрсдийгөө халдвараас хамгаалах хэрэгтэй. Хариуцлагатай байж, цар тахлыг хамтдаа давцгаая. Та өвдөхгүй байвал таны ард байгаа 3-4 хүнийг халдвараас хамгаалж байна гэсэн үг" гэлээ.