Л.Энх-Амгалан: МУК-ын сургуулийн хашаанд барих БҮТ-ийн барилгын гэрээг цуцаллаа : Тал нутгийн цахим мэдээлэлийн сайт

Хамтдаа хамгийн хурдан, хамгийн...

Л.Энх-Амгалан: МУК-ын сургуулийн хашаанд барих БҮТ-ийн барилгын гэрээг цуцаллаа

Kuzmo 2021-07-24

Монгол Улсын Консерваторийн сургуулийн хашаанд барилга барихыг эсэргүүцэж тус коллежийн багш нар өчигдөр сургуулиасаа Боловсролын яам хүртэл хөгжимтэйгөө жагсан шаардлага хүргүүлсэн.

Тус сургуулийн хашаанд Боловсролын үнэлгээний төвийн барилга барихаар болсныг төгсөгчид болон багш нар эсэргүүцээд 20 орчим хоног болж буй юм.

Уг асуудалтай холбоотойгоор БШУ-ны сайд Л.Энх-Амгалан Монгол Улсын Консерваторын газрыг хамгаалах түр хорооныхонтой өнөөдөр дахин уулзалт хийж, МУК-ын хашаанд барихаар төлөвлөсөн Боловсролын үнэлгээний төвийн барилгын гэрээг цуцалж, МУК-ын Удирдах зөвлөлийг бүрэлдэхүүнээр нь чөлөөлснийг мэдэгдлээ.

Тэрбээр “Багш, сурагчдын амралтын үеэр үл ойлголцол, талцал хуваагдал үүсгэх асуудал үүсгэсэнд хүлцэл өчиж байна. Мөн хэд, хэдэн асуудалд бодитой мэдээлэл өгөхийг хүсч байна. Түүнчлэн хэд, хэдэн шийдвэр гарсан.

Нэгдүгээрт, өнөөдөр БШУЯ-ны Төрийн нарийн бичгийн дарга, Монгол Улсын Консерваторын захирлын үүрэг гүйцэтгэгч Ц.Пүрэвхүү нарын хамтарсан, сургуулийн хашаанд БҮТ-ийн барилга барихаар хийсэн гэрээг албан ёсоор цуцалж байна.

Хоёрдугаарт Монгол Улсын Консерваторын Удирдах зөвлөлийг бүрэлдэхүүнээр нь чөлөөллөө. Одоогийн үүрэг гүйцэтгэгч Ц.Пүрэвхүүд хугацаатай үүрэг өгч байгаа. Тодруулбал, ирэх долоо хоногт шинээр томилогдох шаардлага хангасан Удирдах зөвлөлийнхөн гарч ирээд, гүйцэтгэх захиралд тавих шалгуурыг гаргах эрхийг өгч байна.

Өөрөөр хэлбэл, шинэ Удирдах зөвлөлийнхөн ямар шалгуур тавьж гүйцэтгэх захирлаа гаргаж ирэхийг өөрсдөө мэднэ. Энэ асуудалд яам оролцохгүй.

Хэн ялсныг бол мэдэхгүй. Тийм учраас түр хороо буулгаж болохгүй. Үүнд БШУЯ хяналт тавина. Жишээлбэл, циркийн 0.3 га газрыг МУК-ын албан ёсны баталгаанд хүрч иртэл түр хороог буулгахгүй байх тэмцлийг хамт үргэлжлүүлнэ. Мөн 14 гараашын эзэдтэй тэмцэнэ.

Монгол Улсын Консерваторын Удирдах зөвлөл багш нарын орон сууцанд амьдарч байгаа багш нарын судалгааг хийнэ. Хашаа буусан. Дахин энэ газар барилга баригдахгүй" гэлээ.

ФОТО:

Сэдвүүд :

ХОЛБООТОЙ МЭДЭЭ

МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.