2021 оны Улсын төсвийн хөрөнгөөр Чойр-Мандалговь-Арвайхээр чиглэлийн хэвтээ тэнхлэгийн авто замын зураг төсөв, 540 км /Дундговь, Сайнцагаан сум/ ажлыг “Эм Си Пи Си Жи Ар” ХХК-тай 1,600,103,376 төгрөгийн гэрээ байгуулан ажлын явц 20 хувьтай гүйцэтгэж байгаа бөгөөд 2021 оны 12-р сард хүлээлгэн өгөхөөр ажиллаж байна. Уг ажил манай аймгийн Луус, Эрдэнэдалай, Сайнцагаан, Говь-Угтаал сумдын газар нутгаар дайран өнгөрөх тул 2021 оны 07 дугаар сарын 27-ны өдөр “Эм Си Пи Си Жи Ар” ХХК-ний төлөөлөл аймгийн Засаг дарга Ц.Мөнхбат, Засаг даргын орлогч М.Анхбаяр, Хөрөнгө оруулалт, хөгжлийн бодлого төлөвлөлтийн хэлтсийн дарга Н.Эрдэнэ-Очир, Газрын харилцаа, барилга, хот байгуулалтын газрын дарга Э.Чагнаадорж, Сайнцагаан, Эрдэнэдалай сумдын Засаг дарга нартай уулзан санал солилцон аймгаас 10км-т буюу 266-268км-ийн тэмдэгтийн хооронд хэвтээ тэнхлэгийн авто замын уулзварын огтлолцлын газрыг шийдвэрлэв.