Нийслэлийн Хан-Уул дүүргийн 11 дүгээр хороо "Ривер хиллс" хотхон /Их Монгол Улсын гудамж/-оос Зайсангийн гудамж хүртэл нэг  км авто замын барилгын ажлыг улсын төсвийн хөрөнгө оруулалтаар  эхлүүлээд байна.

Нийслэлийн Байгаль орчны газар гүйцэтгэгч “Даймонд рөүд” ХХК-тай хамтран авто замын трасст өртөөд байсан зарим мод, бут, сөөгийг шилжүүлэн суулгах боломжтойг нь стандартын дагуу нүүлгэн шилжүүлжээ. Авто замын газар шорооны ажил буюу замын далангийн дүүргэлтийн ажил хийгдэж, төслийн ажил 10 хувьтай үргэлжилж байна.

Төсөл хэрэгжсэнээр авто замын сүлжээ сайжирч, Их Монгол Улсын гудамж Зайсангийн гудамжтай холбогдох авто замын сүлжээ бий болохоос гадна замын хөдөлгөөний түгжрэлийг бууруулах ач холбогдолтой юм.