Засгийн газрын өнөөдрийн хуралдаанаар Хууль зүй, дотоод хэргийн дэд сайдаар Засгийн газрын Хэрэг эрхлэх газрын дэд дарга Б.Солонгыг, Боловсрол, шинжлэх ухааны яамны төрийн нарийн бичгийн даргаар Л.Цэдэвсүрэнг томилсон. Мөн Засгийн газар хуралданаараа Хэрэг эрхлэх газрынхаа дэд даргаар хэнийг томилохоо хэлэлцжээ. Уг албан тушаалд Боловсрол, шинжлэх ухааны яамны төрийн нарийн бичгийн дарга асан Д.Батбаатарыг томилсон байна. Түүнийг энэ сарын 6-ны Засгийн газрын хуралдаанаар Боловсрол, шинжлэх ухааны яамны Төрийн нарийн бичгийн даргын албан тушаалаас чөлөөлөөд байсан юм.