NBA-ын талбайд 13 тоглолт боллоо. Өмнөх тоглолтод нэмэлт цагт Шарлот Хорнетсыг буулгаж авсан Лос Анжелес Лейкэрс баг талбайдаа Миами хит багтай тоглолоо. Тоглолтын эхний хагасыг Хит хоёр оноогоор тэргүүлж дуусгасан бөгөөд сүүлийн хагаст хоёр баг оноо тэнцэж 112-112 харьцаагаар дуусгажээ. Нэмэлт цагт Лейкэрс гурван оноог илүү авснаар тоглолт 117-120 харьцаагаар ялалт байгууллаа. Улмаар долоон хожил, таван хожигдолтой болж өрнөд бүсийн тавд бичигдэж байгаа бол Хит долоон хожил, дөрвөн хожигдолтой болж дорнод бүсийн тав руу уналаа.

Тус тоглолтод Рассел Уэстбрүүк 25 оноо, 12 самбар, 14 дамжуулалтаар багаа тэргүүлсэн бол Энтони Дэвис 24 оноо, 13 самбар, 4 дамжуулалт, Малик Монк сэлгээнээс 27 оноог авчээ. Эсрэг багаас Жимми Батлер 12 минут тоглосон ч гэмтэж талбайг чөлөөлсөн бөгөөд Бем Адебао 28 оноо, 10 самбараас бөмбөг авч багаа тэргүүлжээ. Харин Сэлгээнээс Тайлер Херро 27 оноогоор тусалжээ.

Өнөөдөр болсон бусад тоглолтын үр дүн