Монгол Улсын Ерөнхий сайд Ж.Эрдэнэбат Сэлэнгэ, Дархан аймагт ажиллахаар өнөөдөр мордсон.   Тэрбээр  ургац хураалтын ажлын явцтай танилцан газар тариалан эрхлэгчид, нутгийн иргэд, төрийн албан хаагчидтай уулзаж, Засгийн газраас авч хэрэгжүүлж буй арга хэмжээ, цаашдын зорилтоо танилцуулах зорилгоор орон нутгийн замд гарсан нь энэ. 

Тэгвэл эрхэм сайдын орон нутгийн замд гарсан цуваа  нэлээд тооны жолоочийг бухимдуулаад буй сурагтай. Учрыг тодруулбал,  цагдаа нар орон нутгийн замд зохицуулалт хийж, цувааг өнгөрөх хүртэл бүхий л машиныг зогсоож багагүй түвэг удсан гэнэ.  Энэ явдалд бухимдсан зарим жолоочид эрхэм сайдынхаа ачаар  орон нутгийн замд анх удаагаа түгжрэн зогсч  буйгаа гайхан шагшицгааж буй ажээ.

Замын хөдөлгөөний дүрэмдээ цуваанд жолооч зам тавьж өгөх ёстой ч, цагдаа нарт  Ерөнхий сайд өөрөө бүх машиныг зогсоо гэж тушаагаагүй л байлгүй. Ямартай ч, түүний орон нутагт хийх ажлын гараа  иймэрхүү уур амьсгалтайгаар эхэлсэн сурагтай.