Монголын уламжлалт сар шинийн баяр, амралтын өдрүүд ойртож байгаатай холбогдуулан иргэдийн хүнс, бараа бүтээгдэхүүн ялангуяа архи, согтууруулах ундааны худалдан авалт нэмэгдэж, үүнийг дагаад хууль бусаар гар дээрээс архи, согтууруулах ундааны зүйл худалдан борлуулах зөрчил бүртгэгдэж байна. Тухайлбал: өчигдөр /2022.01.13/ эргүүл, хяналт, шалгалтын хүрээнд цахим фэйсбүүк хаягаар "Kazakhstan cognac зарна" гэсэн зарын дагуу борлуулалт хийж байсан зөрчлийг илрүүлэн 4 нэр төрлийн 26 шил буюу 19.5 литр архийг хураан авч, зөрчил шалган шийдвэрлэх ажиллагаа явуулж байна.

Иймд худалдаа үйлчилгээ эрхлэгч иргэд та бүхэн хууль зөрчсөн үйл ажиллагаа явуулахгүй байхыг сэрэмжлүүлэг болгох үүднээс энэхүү мэдээллийг нийтэллээ.

Таны хууль зөрчиж зарсан нэг шил архины цаана ямар ч эрсдэл учирч болзошгүй гэдийг ухамсарлах хэрэгтэй.

Гэмт хэрэг, зөрчлөөс урьдчилан сэргийлэх тухай хуулинд зааснаар иргэн гэмт хэрэг, зөрчлийн талаарх мэдээллийг холбогдох байгууллагад мэдээлэх үүрэгтэй.

Тиймээс таны оршин суугаа газрын үйлчилгээ явуулж буй цэгүүдээс хууль зөрчиж, согтууруулах ундаа борлуулсан, түүгээр үйлчилсэн эсвэл хууль бусаар гар дээрээс согтууруулах ундаа зарж борлуулсан зөрчлийн мэдээллийг 7032102 дугаарын утсаар өгнө үү.