Өчигдөр /2022.01.18/ аймгийн Онцгой комисс хуралдаж, сар шинийн баяртай холбоотой дараах шийдвэрүүдийг гаргасан. Үүнд:

1. Сар шинийн золголтыг уламжлалт ёс заншлаа хүндэтгэн гэр бүлийн хүрээнд тэмдэглэн өнгөрүүлэх харин төрийн болон төрийн бус байгууллага, нутгийн зөвлөл, аж ахуйн нэгжүүдийг цагаан сарын нэгдсэн золголт хийхийг хориглов.

2. Энэ оны 02 дугаар сарын 20-ны өдрийг хүртэл хугацаанд олон нийтийг хамарсан хурал, цуглаан, тэмцээн, уралдааныг танхимаар зохион байгуулахыг хязгаарлав.

3. Төрийн болон төрийн бус байгууллага, хувийн хэвшлийн аж ахуйн нэгжүүдийн удирдлага, сумдын Засаг дарга нарт ажилтан, албан хаагчдаа бүтэн бус цагаар болон цахимаар ажиллуулах зохион байгуулалтын арга хэмжээ авахыг даалгав.

Иймд иргэн бүр хариуцлагатай байж, халдвар хамгааллын дэглэмийг сайтар сахин, аймгийн Онцгой комиссын шийдвэр, хууль сахиулах байгуулагын алба хаагчдын тавьсан хууль ёсны шаардлага, Эрүүл мэндийн байгууллагаас гаргасан заавар, зөвлөмжийг чанд сахин биелүүлэхийг уриалж байна.