ЕБС-ын ойр орчимд утаат болон электрон тамхи худалдахыг хориглосон Орхон аймгийн Засаг даргын захирамжын хэрэгжилтэд шалгалт хийлээ
Аймгийн Засаг даргын энэ оны гуравдугаар сарын 1-ний өдрийн А/92 тоот захирамжаар утаат болон электрон тамхи түүний дагалдах хэрэгслийг худалдах, худалдан борлуулахыг хориглосон.
Тодруулбал, аймгийн хэмжээнд зах зээлд нийлүүлж байгаа бараа ажил үйлчилгээ хэрэглэгчийн аюулгүй байдлыг хангах зорилгоор худалдаа эрхэлж буй аж ахуйн нэгж байгууллагуудад 21 нас хүрээгүй хүнээр тамхи худалдан борлуулахыг, ерөнхий боловсролын сургуулийн хичээлийн болон дотуур байрнаас 500 метрийн дотор утаат болон электрон тамхи түүний дагалдах хэрэгслийг худалдан борлуулахыг хориглосон.
Уг захирамжийн хэрэгжилтийг хангаж Баян-Өндөр сум, Багуудын ажлын алба, Онцгой байдлын газар, Цагдаагийн газар хамтран үзлэг, шалгалтыг хийсэн байна.
Шалгалтаар сургуулийн орчимд электрон тамхи, түүний дагалдах хэрэгслийн худалдан борлуулсан хэд хэдэн зөрчил илэрчээ. Энэхүү асуудалд холбогдох байгууллагаас сануулга өгч, зөрчлөө арилгах хугацаатай мэдэгдэл өгсөн байна. Харин зөрчил гаргасан хоёр аж ахуйн нэгжийн тусгай зөвшөөрлийг цуцалжээ.
Мөн холбогдох байгууллагууд хамтран Ерөнхий боловсролын сургуулийн сурагчид болон иргэдэд электрон тамхины эрүүл мэндэд үйлчлэх хор нөлөө, уршгийг таниулах сургалт, зөвлөмжүүдийг байнга өгч ажиллаж байгаа аж.
Засаг даргын дээрх захирамж энэ оны арванхоёрдугаар сарын 31-н хүртэл хэрэгжинэ.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
