Хан-Уул дүүргийн нэгдсэн эмнэлэгт өвс татаж мансуурсан нэгэн иргэн хүргэгдэж ирээд амиа алдсан харамсалтай хэрэг энэ сарын 12-нд гарчээ. Тодруулбал, тус дүүргийн хоёрдугаар хорооны нутаг дэвсгэр орон сууцны  хорооллын гадна талбайд Улаанбаатар хотын харьяат 18-22 насны гурван эрэгтэй хар тамхи мансууруулах төрлийн бодис болох каннабисын ургамал татаж мансуурсан аж.

Улмаар 18 настай эрэгтэйн гар хөл татаж газарт унаж, ухаан алдахад хамт мансуурч байсан хоёр иргэн түүнийг эмнэлэгт хүргэж өгчээ. Гэвч эмнэлэгт ирээд амьсгал хураасан байна. Тус хэргийг Хан-Уул дүүргийн цагдаагийн хоёрдугаар хэлтэст эрүүгийн хэрэг үүсгэн шалгаж эхэлсэн бөгөөд талийгаачийг нас барах үед хамтдаа хар тамхи мансууруулах бодис хэрэглэж байсан гэх хоёр иргэнийг саатуулан шалгаж байгаа аж.