Монгол Улсын харцага Ц.Бямба-Отгоны “Харцага цолны мялаалга наадам”-д оролцож хүндэтгэл үзүүллээ. Ардын Хувьсгалын 100, 101 жилийн ойн баяр наадмаар Өвөрхангайчууд одтой наадаж, Улсын харцага, Улсын начин цолтонтой, сур харвааны даян мэргэн, идэр мэргэн харваачтай болсон, шагайн харваагаар Төгрөг, Баян-Өндөр сумын харваачид дэд, гутгаар байранд шалгарсан, хурдан морьдын уралдаанд шүдлэнгээр түрүү магнай, даагаар аман хүзүү, азарга, хязаалангаар айрагдсан гээд олон сайхан амжилтыг үзүүлсэн билээ. Төрж өссөн Төгрөг сумандаа 77 жилийн дараа улсын цол авчирсан Ц.Бямба-Отгондоо ирэх жилийн наадамд цолоо улам ахиулж, улсын аварга болохыг хүсэн ерөөе.