ЗДТГ-аас өнгөрсөн нэгдүгээр сард  хотын авто замын эвдрэл, гэмтлийг засварлах, замын зохицуулалт, тэмдэг тэмдэглэгээ хийх, аюулгүй байдлыг хангуулах зорилгоор “Орхон АЗЗА ТӨХК-тай  долоон багц ажлын хүрээнд 500 сая төгрөгийн  гэрээг байгуулсан. Үүнд, асфальтбетон хучлагын нүхэн эвдрэлийг халуун асфальтбетоноор солих, хучлагын гадаргууд тэмдэглэгээ хийх хуучныг сэргээх, хөвөөний угаагдсан буюу суулт үүссэн хэсэгт шороо нэмж засварлах гэх мэт долоон багц ажлыг тусгасан. 

Өчигдөр талууд  гэрээний хэрэгжилт, биелэлттэй танилцах уулзалтыг зохион байгуулж, тус компаниас  энэ сарын 20 хүртэл хийж  хэрэгжүүлсэн ажлын тайлангаа танилцуулав. Өнөөдрийн  байдлаар гүйцэтгэсэн   засварын ажлыг хувиар авч үзвэл  ан цав засварлаж бөглөх ажил 12.1 хувь, нүхэн эвдрэл 39.2 хувь, мэдээллийн тэмдэг 4.6 хувь, суурь солих ажил 6 хувь, хөвөөний засвар 12,4 хувь, тэмдэглэгээ 8 хувьтай буюу нийт 3600  гаруй метр квадрат талбайд нөхөлт, ан цөв бөглөх, хөвөөний засвар, замын тэмдэг тэмдэглэгээг хийж гүйцэтгэжээ. 

Тухайлбал,  энэ сарын 1-нээс  12-ныг хүртлэх хугацаанд  Дэнж, Эрдэнэ багт 203 мкв, Их залуу багт 163 мкв, Хүрэнбулаг багийн 45, Наран багт 41, Наран, Хүрэнбулаг, Шанд багт дахин 150 мкв талбайд  авто замыг халуун асфальтбетон болон БИС замын нүхэн эвдрэл засварлажээ.

Мөн хэвтээ тэмдэглэгээг 

• Их залуу баг-3100у/м авто замын тэмдэглэгээ
• Дэнж Эрдэнэ баг-940у/м авто замын тэмдэглэгээ
• Их залуу баг-6ш явган хүний гар
• 17-р сургууль-3ш явган хүний гарц
• 15-р сургууль-2ш явган хүний гарц
• 19-р цэцэрлэг-2ш явган хүний гарц
• 20-р сургууль-1ш явган хүний гарц
• 11-р цэцэрлэг-1ш явган хүний гарц
• 19-р сургууль-2ш явган хүний гарц
• Нараг баг-2ш явган хүний гарц
• Солонго зах-1ш явган хүний гарц
• 13-р сургууль-2ш явган хүний гарц
• Эмнэлэгийн уулзвар-1ш явган хүний гарц
• Цэнхэр аптек-1ш явган хүний гарцыг хийж гүйцэтгэжээ.