2016 оны нэгдүгээр сарын 1-нээс  зургадугаар сарын 16-ны байдлаар улсын хэмжээнд зам тээврийн ослын улмаас 143 хүний амь насаараа хохирчээ. Үүнээс нийслэлд 37, орон нутагт 106 хүн, зам тээврийн ослын улмаас  амиа алдсан байна.

Мөн зам тээврийн ослоос болж, 604 хүн хүнд хөнгөн гэмтсэн бөгөөд нийслэлд 382, орон нутагт 222  байгаа аж.  Тиймээс Улаанбаатар хотын Замын цагдаагийн газраас урин дулаан цаг ирж хөдөө орон нутгийн замд явахдаа жолооч та бүхнийг тээврийн хэрэгслийн техникийн бүрэн бүтэн байдлыг сайтар шалгах, гүйцэж түрүүлэх үйлдэл хийхдээ аюулгүй байдлаа сайтар хангахыг анхаарууллаа.

Түүнчлэн тээврийн хэрэгслийн хурдыг замын хөдөлгөөний дүрэмд заасан дээд хязгаараас хэтрүүлэхгүй байх, согтуугаар тээврийн хэрэгсэл жолоодохгүй байх, хамгаалах бүсийг байнга хэрэглэж хэвшихийг сануулж байна.