АНУ-ын Ерөнхийлөгчийн сонгуульд Ардчилсан намаас нэр дэвшч буй Төрийн нарийн бичгийн дарга асан Хиллари Клинтон, экс Ерөнхийлөгч Билл Клинтон нарын охин Челси Клинтон энэ сарын 18-ны өдөр амаржиж, хүүтэй болжээ.

Хоёр дахь зээгээ өлгийдөн авсан Клинтоныхон ч тун чиг баяр баясалтай байгаа гэнэ.  Тэд “2016 оны зургадугаар сарын 18-ны өдрийн бямба гарагт зээ хүү Айдан Клинтон Мезвински маань төрлөө. Бид хоёр дахь зээгээ өлгийдөн авсандаа туйлын баяртай байна. Челси, Айдан хоёрын бие сайн байгаа. Энэ онцгой мөчийг сэтгэл догдлон хүлээж байлаа” хэмээн мэдэгдсэн байна. 

Клинтоныхныг мэдэгдэл хийхээс өмнө охин Челси нь өөрийн твиттер хуудастаа хүү төрсөн талаар жиргэсэн байжээ. Клинтоны охин Челсигийн нөхрийг Марк Мазвински гэдэг бөгөөд тэд 2014 онд анхны хүүхдээ төрүүлж байв.