“Катар-2022” хөлбөмбөгийн ДАШТ-ий тав дахь өдрийн тоглолтууд үргэлжилж байна. Өнөөдөр H хэсгийн тоглолтууд болж байгаа бөгөөд тус хэсэгт Солонгос, Уругвай, Португал, Гана гэсэн багууд орсон юм.

Хэсгийн эхний тоглолт Солонгос болон Уругвай багуудын хооронд боллоо. Улмаар хамгаалалт зонхилсон тоглолт болж хоёр баг хуурай тэнцэж оноо хуваалаа.

Солонгос улсын дараагийн тоглолт арваннэгдүгээр сарын 28-ны даваа гарагт 21:00 цагаас Ганын шигшээ багтай тоглох бол Уругвай улсын баг арваннэгдүгээр сарын 29-ны мягмар гарагт 03:00 цагаас Португалын шигшээ багтай тоглоно.