Катарын нийслэл Доха хотод жүдо бөхийн 2023 оны дэлхийн аварга шалгаруулах өнөөдөр тэмцээн эхэлнэ. Тэмцээнд манай улсаас эрэгтэй ес, эмэгтэй есөн жүдоч эх орноо төлөөлөн оролцоно. Энэ жилийн дэлхийн аварга шалгаруулах жүдо бөхийн тэмцээнд 98 орны 649 тамирчин оролцох юм. Эхний өдөр манайхаас гурван бөх барилдах бол хэсгийн тоглолт манай цагаа 16:00 цагт эхлэх бол медалийн төлөөх барилдаан 23:00 цагаас эхэлнэ.

Эрэгтэйчүүдийн 60 кг-ын жинд 37 жүдочин барилдах юм. Манай улсаас ОУХМ Энхтайваны Ариунболд “С” хэсгийн нэгдүгээр тойрогт гоц мөргөн ялалт авсан. Хоёрдугаар тойрогт Узбекистаны Далшодбек Братовтой барилдана. 

Харин эмэгтэйчүүдийн 48 кг-ын жинд 45 тамирчин барилдана. ОУХМ Ганбаатарын Наранцэцэг “D” хэсгийн нэгдүгээр тойрогт Тунисын Омайми Бибиойтойтай таарсан. Түүнийг хожвол хоёрдугаар тойрогт Австрийн Катарина Танзертай барилдах юм. 

Энэ жингийн “В” хэсгийн нэгдүгээр тойрогт ОУХМ Бавуудоржийн Баасанхүү Чилийн Мари Ди Варгас Лэйтэй барилдах юм. Түүнийг ялах юм бол хоёрдугаар тойрогт Брундийн бөх Шигнолини Канямунизатай барилдана.