“Эрдэнэс Тавантолгой” ХК-ийн Худалдан авах ажиллагааны газрын дарга Н.Цэрэнсамбуу Улс хоорондын ачаа тээврийн “С” зөвшөөрлийн талаар мэдээлэл өглөө.

Тэрбээр “Гашуунсухайт боомтоор улиралд 7800 “C” зөвшөөрлийг солилцдог. УУХҮ-ийн сайд С.Бямбацогтын тушаалаар үүний 60 хувь буюу 4680 зөвшөөрлийг “Эрдэнэс тавантолгой” ХК-аас олгоно. Засгийн газрын 362 дугаар тогтоолын тавдугаар заалтын дагуу уул уурхайн ААН-үүд “C” зөвшөөрлийг олгож байна. Мөн энэ оны дөрөвдүгээр улирлын зөвшөөрлүүд тараагдаж эхэлсэн.

Энэ оны дөрөвдүгээр улиралд “Эрдэнэс Тавантолгой” ХК-иас “С” зөвшөөрөл авахаар 323 аж ахуйн нэгжийн 17.800 тээврийн хэрэгсэл хүсэлт ирүүлсэн. Ирүүлсэн хүсэлтийг холбогдох хууль журмын дагуу хянаж, шаардлага хангасан тээврийн аж ахуйн нэгжүүдэд хувь тэнцүүлэх хэлбэрээр “С” зөвшөөрөл олгосон.

Ямар компани хэчнээн “С” зөвшөөрөл авсан талаарх бүх мэдээлэл “Эрдэнэс Тавантолгой” ХК-ийн албан ёсны цахим хуудас www.ett.mn сайтад нээлттэй байршуулсан. 

“C” зөвшөөрлийн наймаа гэх асуудал нийгэмд нэлээн явдаг нас барсан хүний мэдээллийг ашиглан C зөвшөөрөл авах хүсэлт хүртэл гаргасан тохиолдол бүртгэгдсэн. Үүнийг хуулийн байгууллагат хандан шалгуулж байгаа.

Өнөөдөр гашуунсухайт боомтоор өдөрт 1000-1500 тээврийн хэрэгсэл экспорт хийгдэж байна. Тэгэхээр 7800 “C” бичиг боомтын хүчин чадалтайгаа харьцуулахад багадаагүй. Тийм учраас “Эрдэнэс тавантолгой” ХК тээврийн зөв менежментийг хийж ажиллаж байна” гэлээ.

Эх сурвалж: Монголын мэдээ сонин

2023 оны аравдугаар сарын 13. Баасан. №159 (5887)