NBA-ын шинэ улирал эхлэхэд 14 хоног үлдээд байгаа бөгөөд улиралын өмнөх тоглолтууд явагдаж байна. Энэ улирлыг шинэ дасгалуулагч болох Лук Уолтонтой эхлүүлж байгаа Лос Анжелес Лейкэрс талбай дээрээ Портлэнд Трэйл Блэйзэрс багтай тоглолоо.

Тоглолтын эхний хагаст 50-50 харьцаатай дуусч энэ тэнцүүхэн өрсөлдсөн бол сүүлийн хагаст мөн адил өрсөлдөж 99-99 харьцаагаар тэнцжээ. Нэмэлт цагт сүүлд Лейкэрс гурван оноогоор хожигдож байхдаа тэнцүүлэх шидэлтийг Жордан Кларксон хийсэн ч  амжилтгүй болж 106-109 харьцаагаар улиралын өмнөх тоглолтын хоёр дахь ялагдлаа хүлээлээ. Харин Портлэндийн хувьд гурван ялалттай ганц хожигдолгүй байна.

Тус тоглолтод Диман Лилард 27  минут тоглохдоо 30 оноог авч бүх тоглогчдийг тэргүүлсэн бол Плампи 11  оноо, 11 самбараас бөмбөг авч тусалжээ. Харин эсрэг багаас Жордан Кларксон 15 оноог авч багаа тэргүүлсэн бол Ди Анжело Рассел 12 оноог авчээ. Тэрбээр холын зайнаас есөн удаа шидээд ганцыг нь ч оруулаагүй байна.