Дэлхийн кино урлагийн А зэрэглэлийн фестиваль болох Talling Black Night Film Festival-д "Silent City Driver" буюу "Чимээгүй хотын жолооч кино гранпри шагнал болон "Шилдэг зураач" шагнал хүртжээ. Тус киноны ерөнхий найруулагч Ж.Сэнгэдорж "Кино баг бид бүгдийн хувьд гайхалтай шөнө байлаа. Кино бол нийлмэл урлаг юм. Энэ бол та нарын шагнал. Кино багтаа амжилт хүсье. Намайг тэвчиж, намайг хурцалж, надад итгэсэн Ганбаатар продюсер, @Dominion tech, Nomadia Pictures, DDish маш их баярлалаа" хэмээжээ. Уг фестивальд 80 орны 280 уран сайхны кино өрсөлдөж, 60 орны 1500 гаруй уран бүтээлчид, сэтгүүлч, шүүмжлэгчид цуглаж, 800 удаагийн үзвэрийг 150.000 орчим үзэгчид үзэж сонирхсон байна. "Tallinn Black night film festival" нь энэ жил 28 дахь удаагаа зохион байгуулагдаж байгаа "International Federation of Film Producers Association" (FIAPF) буюу олон улсын продюсеруудын холбооноос итгэмжлэгдсэн A-list film festival буюу дэлхийн шилдэг 15 кино наадмын нэг юм.