Спортын салбарын шилдгүүдийг тодруулдаг “Бөртэ чоно” тэргүүн дээд шагнал гардуулах ёслол өчигдөр болж өндөрлөлөө. 23 дахь жилдээ болж буй уг ёслолын шилдгийн шилдэг тамирчны шилжин явах цомын эзнээр Монгол Улсын гавьяат тамирчин, жүдоч Б.Баасанхүү шалгарсан юм.

Шилдэг эмэгтэй тамирчин: Хүндийн өргөлтийн М.Анхцэцэг. Амжилт: Бахрейны нийслэлд болсон “Манама 2024” дэлхийн АШТ-ий мөнгөн медаль.

Шилдэг эмэгтэй тамирчин: Чөлөөт бөхийн С.Цэрэнчимэд. Амжилт: Олимпын бус жингийн Дэлхийн АШТ-ий мөнгөн медаль, Ази тивийн АШТ-ий хүрэл медаль.

Шилдгийн шилдэг эрэгтэй тамирчин: Жүдогийн Л.Анхзаяа. Амжилт: “Абу Даби 2024” дэлхийн АШТ-ий хүрэл медаль.

Шилдэг эрэгтэй тамирчин: Чөлөөт бөхийн Т.Тулга. Амжилт: Зуны “Парис 2024” олимпын 5-р байр. Ази тивийн АШТ-ий мөнгөн медаль, Олимпын эрх олгох “Истанбул 2024” тэмцээний алтан медаль.

Шилдэг эрэгтэй тамирчин: Хөнгөн атлетикийн Б.Сэр-Од. Амжилт: Холын зайн марафон гүйлтэд “Парис 2024” наадамд оролцсоноор олимпод 6 дараалан оролцсон.

Паралимпын шилдэг тамирчин: Таеквондогийн У.Сүрэнжав, эмэгтэй. Амжилт: Зуны “Парис 2024” паралимпын -52 кг-ын жингийн аваргын алтан медаль.

Шилдэг залуу тамирчин: Жүдогийн Т.Ариунзаяа, эмэгтэй. Амжилт: 17 настай, Өсвөр үеийн Дэлхийн АШТ-ий, Монголоос төрсөн анхны аварга. Олон улсын насанд хүрэгчдийн Токиогийн “Их дуулга” тэмцээний хүрэл медаль.

Шилдэг баг: 3х3 сагсан бөмбөгийн эмэгтэй шигшээ баг

Шилдэг холбоо: Монголын Жюү жицүгийн холбоо

Шилдэг холбоо: Монголын гимнастикийн холбоо

Шилдэг холбоо: Монголын Таеквондогийн холбоо

Шилдэг холбоо: Жүдо бөхийн холбоо

Шилдэг холбоо: Чөлөөт бөхийн холбоо

Шилдэг шүүгч: Хүндийн өргөлтийн Л.Одгэрэл

Шилдэг шүүгч: Боксын Ц.Цогтгэрэл

Шилдэг дасгалжуулагч: Жүдо бөхийн шигшээ багийн дасгалжуулагч М.Бундмаа

Шилдэг дасгалжуулагч: Чөлөөт бөхийн дасгалжуулагч Ц.Цогтбаяр

Шилдэг спортын сэтгүүлч: “MGL Sport” сайтын Ж.Цэцэгмаа

Шилдэг олимпын зүтгэлтэн: Хөнгөн атлетикийн ахмад тамирчин Ц.Раднаа

Шилдэг бүтээн байгуулалт: “Darkhan United Arena” ордон

Олимпын шилдэг танхим: Нийслэлийн Баянзүрх дүүргийн 69 дүгээр сургуулийн “Лондон” танхим

Шилдэг хандивлагч: Моннис групп.