Сингапур улсад зохион байгуулагдаж буй 2025 оны “FIBA 3x3” Азийн аварга шалгаруулах тэмцээнд манай улсын эрэгтэй болон эмэгтэй шигшээ багууд оролцож байна.

Монгол Улсын эрэгтэй шигшээ баг А хэсэгт багтсан бөгөөд эхний тоглолтоо эзэн орны Сингапурын багтай хийж 22-10 харьцаагаар хожсон бол хэсгийн сүүлийн тоглолтоо Хонг Конгийн багтай хийж 22-8 харьцаагаар хожиж А хэсгийг тэргүүлж шигшээ шатанд шалгарлаа.

Улмаар шөвгийн наймын хасагдах шатны тоглолтод дөрвөн удаагийн аварга жилийн аварга баг Австралийн багтай таарч тоглохоор болсон бөгөөд тус тоглолт маргааш буюу гуравдугаар сарын 30-ны 14:20 цагт тоглоно.

Манай багийн бүрэлдэхүүнд А.Ананд, Э.Дөлгөөн, Ц.Отгонжаргал, Г.Дөлгөөн нар багтжээ.