Шведийн лигийн 27 дугаар тойргийн хүрээнд “Готенбург” клуб “АИК” багтай тоглосон байна. Тэгвэл энэхүү тоглолтыг 90 скаут үзэж, “АИК”-ын   довтлогч Александр Исаакийг шинжсэн талаар Expressen мэдээллээ.

Өдгөө 17 настай довтлогч энэ улиралд 20 тоглолтод оролцож, 9 гоол оруулснаар Европын том багуудын анхаарлыг татаад байгаа билээ. Одоогоор түүнийг  “Байерн Мюнхэн”, “Манчестер Юнайтед”, “Боруссия Дортмунд”, “Аякс”, “Челси”, “Бешикташ”, “Трабзонспор”, “Сандерленд” болон “Вильярреал” клубүүд анхааралтай ажиглаж байгаа юм байна.