Бүгд Найрамдах Монгол Ард Улсын Ардын их хурлын тэргүүлэгчдийн 1965 оны дөрөвдүгээр сарын 14-ний өдрийн 79 дүгээр зарилгаар Улаанбаатар хотын засаг захиргааны үндсэн нэгж болох Сүхбаатар, Октябрь, Найрамдал, Ажилчин гэсэн 4 районыг байгуулсан бөгөөд Баянгол дүүргийн үүсэл хөгжил нь Октябрын район нэртэйгээр эхэлсэн билээ.

Тэгвэл энэ өдөр Нийслэлийн Баянгол дүүрэг үүсэн байгуулагдсаны түүхт ойн өдөр тохиож байна.

Иймд нийт баянголчууддаа болон дүүргийнхээ 60 жилийн түүхийг бүтээлцэж ирсэн үе үеийн удирдлага, хамт олон, одоо ажиллаж байгаа нийт албан хаагчид та бүхэндээ дүүрэг үүсэн байгуулагдсан өдрийн мэндийг хүргэе.

Нийслэлийн Баянгол дүүрэг нь өдгөө Монгол Улсын нийслэл Улаанбаатар хотын төвийн 6 дүүргийн нэг болсон бөгөөд 2949 га газар нутагтай, 260 мянга орчим хүн амтай, худалдаа үйлчилгээний төв бүс томоохон дүүрэг болсон байна.

Бид дүүргийнхээ түүхт 60 жилийн ойг энэ онд илүү бүтээлч байдлаар зохион байгуулахаар төлөвлөн ажиллаж байна.