“Air India” компанийн “Boeing 787 Dreamliner” онгоц пүрэв гарагт /2025.06.12/ Лондон хот руу хуваарийн дагуу хөөрөх явцдаа Ахмедабад нисэх онгоцны буудлын ойролцоо осолджээ. Иргэний нисэхийн ерөнхий газрын мэдээлснээр тус онгоцонд 230 зорчигч, хоёр нисгэгч, 10 бүхээгийн багийн гишүүн нийт 242 хүн зорчиж явсан байна.

Тодруулбал, Энэтхэгийн 169, Их британийн 53, Португалийн 7, Канадын 1 иргэн. Мөн 2 нисгэгч, 10 онгоцны үйлчлэгч явсан байна. Онгоц эмч нарын байр болон анагаах ухааны сургуулийн байрыг мөргөжээ. Ослын улмаас зорчигч нар бүгд амь үрэгдсэнээс гадна олон оюутан, эмч нар нас барсан гэж үзэж байна. Зарим иргэдийг цогцсыг олсон зарим хүнийг олоогүй байгаа юм. Онгоц 190 метрийн өндрөөс унасан, түлшээр бүрэн цэнэглэсэн байсан учраас хүчтэй дэлбэрэлт болсныг нутгийн иргэд ярьсан байна.