Хуульч О.Батхүү өөрийн цахим хуудсанд "Шүүхээс ичсэн тухайд" гэсэн гарчигтай нийтлэл оруулжээ. Тэрбээр

Шүүхээс ичсэн тухайд

1) Саяны хэрэг дээр шүүх үнэхээр ичмээр шийдсэн нь үнэн шд. Согтуу галзуу залуучууд гудамжинд хүн бүлэглэж зодоод, орилж хашгирч гүйлдэх чинь олон нийтийн амгалан тайван байдлыг алдагдуулах гэмт хэрэг мөн. Энийг олон нийтийн амгалан тайван байдлыг алдагдуулах гэхгүй бол өөр юуг олон нийтийн амгалан тайван байдлыг алдагдуулах гэх юм. Гэтэл шүүхээс улаан цайм ийм нөхцөл тогтоогдоогүй гэж үзээд хэргийг хэрэгсэхгүй болгосон.

2) Шүүгчийн харилцаа хандлагаас ичсэн. МУ-ын нэрийн өмнөөс шийдвэр гаргадаг хүн гудамжинд хэрүүл хийж байгаа авгай шиг хоолой амаа шахаад, орилоод байхаар нь ичсэн. Алх бариад хүний амь амьдрал шийдээд сууж байгаа хүн ийм байж болох уу? Шүүгчийн өндөр нэр хүндийг шавартай хутгасан нь би биш тэр.

3) Баян айлын хүүхэд, ядуу айлын хүүхэд ялгаатай ял авдаг нь үнэн. Хохирогчид хахтал нь мөнгө өгөөд, хурал дээр олигтой юм яриулахгүй, өмгөөлөгч нь давж заалдана гэж хэлж чадахгүй бүлтэлзээд байсан нь үнэн биз дэ. Энийг ял худалдаж авах гэдэг юм. Ийм ялын наймаа ил тод явж байхад шүүх нэг хэргийг нь хэрэгсэхгүй болгоод нөгөө дээр нь зорчих эрх хязгаарласан нь үнэн биз дэ. Цаашдаа яах юм, ингээд юутай ийтэй худалдаж аваад яваад байх юм уу? Ичмээр. Нийгэмд мөнгөтэй нь хүн зодож болдог гэдэг мэссэж өгч байгаа нь үнэн. Энэнээс ичсэн. Хаана ч хэлнэ.