Засгийн газрын Хэрэг эрхлэх газрын дарга С.Бямбацогт Ховд аймагт ажиллах үеэр "ХЯНАЛТ ТАВИГЧДЫГ ХЯНАХГҮЙ БОЛ...!!!" гарчигтай бичлэг оруулсан байна. Тодруулбал:

ХЯНАЛТ ТАВИГЧДЫГ ХЯНАХГҮЙ БОЛ...!!!

Жил бүр төсвийн хөрөнгө оруулалтаар өчнөөн зам гүүр, барилга байгууламж баригддаг.

Харамсалтай нь тэдгээрийн гүйцэтгэл, чанарт тавих хяналт маш муу байна.

Хийгээгүйг хийсэн гэж, дутуу барьсанг гүйцэд барьсан гэж, чанаргүйг чанартай гэж төрийн өмнөөс дүгнэдэг хяналт тавигчдыг, Улсын комисс гээчийг өөрийг нь хатуу хянах цаг болжээ.

Ганцхан жишээ татахад Завханы Тосонцэнгэлийн нэгдсэн эмнэлгийн өргөтгөлийг барьж буй Ирээдүйн баатрууд гэх ХХК хийх ажлынхаа талыг ч хийгээгүй байж гүйцэтгэлээр 70 хувийн санхүүжилт аваад ажил нь царцсан байдалтай сураг алдарсан.

Ховд аймгийн Ховд сумын замыг барьсан компани замын тэмдэг тэмдэглэгээ, далан хөвөөний ажлаа гүйцэд дуусгаагүй байхад Улсын комисс хүлээгээд авчихсан байх жишээтэй.

Тиймээс хяналт тавигчдыг хянах, авлига ашиг сонирхолд автсан бол хуулийн хатуу цээрлэл хүлээлгэдэг болж Улсын комиссыг углуургаар нь зөв болгохын төлөө ажиллана.

Төсвийн мөнгө "уйлдаг" , төр араас нь явдаг гэдгийг харуулна.