“Реал Мадрид” клубын довтлогч Криштиано Роналдо спортын бараа үйлдвэрлэгч Nike-тай спонсорын гэрээгээ шинэчилжээ. Энэ талаар тус компани нэн даруй олон нийтэд зарлах юм байна.

Ингэснээр тэрбээр тус компаниас жилдээ 24 сая евро авах бөгөөд энэ “Реал”-аас авдаг цалинтай нь дүйцэхүйц аж. Тэгвэл Nike түүхэндээ анх удаа хөлбөмбөгийн тамирчинтай ийм том гэрээ хийж байгаа нь энэ юм байна.

1984 онд Nike компани үүнтэй ойролцоо үнийн дүнтэй гэрээг сагсан бөмбөгийн домогт тамирчин Майкл Жордантай байгуулж байжээ.  Дашрамд дурьдахад, Роналдо өмнө нь Adidas-тай хамтарч ажиллаж байсан билээ.