Итали агент Винченцо Морабито Английн “Арсенал” клуб өнгөрсөн зуны солилцоо наймааны цонхоор Германы “Боруссия Дортмунд” клубын довтлогч Пьера-Эмерика Обамеянгийн төлөө 80 сая фунт санал болгосон татгалзсан хариу авсан талаар ярьжээ.

Тэрбээр “Хэдэн жилийн өмнө “Боруссия Дортмунд”-ын спортын захирал Цорктой би “Наполи” түүнийг сонирхож байгаа талаар ярих гэж оролдсон. Гэвч тэд надад үгүй гэдэг байр суурин дээрээ бат зогсохоо мэдэгдсэн.  Мөн би “Арсенал” түүний төлөө 80 сая фунт өгөхөд бэлэн байгаа талаар дуулгасан. Гэвч тэд энэ саналын талаар огт сонсохыг хүсэхгүй байгаагаа хэлсэн” хэмээн ярьжээ.