Шатахууны хомсдолтой холбогдуулан наймдугаар сарын 4-нөөс автомашины улсын дугаарын тэгш сондгойгоор хязгаарлаж, нэг удаад 50 мянган төгрөгөөс дээш шатахуун олгохгүй байх зохицуулалт хэрэгжиж эхлээд байна. 

Өнөөдөр сондгой тоогоор төгссөн улсын дугаартай автомашин эзэмшигчид 50,000 төгрөгт шатахуун авна. Энэ зохицуулалт наймдугаар сарын 15-ныг хүртэл үргэлжилнэ. 

• 0, 2, 4, 6, 8 буюу улсын дугаар нь тэгш тоогоор төгссөн автомашин эзэмшигчид наймдугаар сарын 4, 6, 8, 10, 12, 14-ний өдрүүдэд шатахуун авна.
• 1, 3, 5, 7, 9 буюу улсын дугаар нь сондгой тоогоор төгссөн автомашин эзэмшигчид наймдугаар сарын 5, 7, 9, 11, 13, 15-ны өдрүүдэд шатахуун авна.

Иргэд, жолооч нар дээрх хуваарийн дагуу шатахуун түгээх станцуудаар үйлчлүүлэх юм.