Хятадын Чиндао хотноо жүдо бөхийн Гран при ангиллын тэмцээн болж байгаа билээ. Тэгвэл өнөөдрийн тэмцээний хэсгийн барилдаанууд өндөрлөж байна. Манайхаас 73 кг-ын жинд барилдсан хоёр залуу бөх эхний тойрогтоо ялагдаж, тэмцээнээ өндөрлүүлэв.

Б.Баяндүүрэнгийн хувьд Тайванийн Чуан Шан Чинтэй барилдсан ч барсангүй. Харин Г.Чойжилсүрэнгийн хувьд Солонгосын Ли Ён Жинтэй барилдсан ч бас л ялж чадалгүй тэмцээнээ дуусгалаа.

Тэгвэл 81 кг-д хүч үзэж байгаа Н.Дагвасүрэнгийн хувьд эхний тойрогтоо хийлж, хоёрдугаар тойрогт Оросын тамирчин Мурат Хачировыг ялж, хагас шигшээд шалгарлаа. Манай бөх хагас шигшээд Солонгосын Ли Жа Юнтай барилдана.

Эмэгтэйчүүдийн 63 кг-д барилдсан Ц.Мөнхзаяагийн хувьд эхний тойрогтоо хийлж, хоёрдугаар тойрогт Оросын Валентина Костенкотай барилдсан ч ялж чадсангүй. Ингэснээр торгуулийн тойрог руу орлоо. Манай бөх торгуулийн тойрогт Хятадын бөх Ши Чу Жантай барилдахаар болоод байна.