“ТБД андууд” дэлгүүрийн урд зам дээр Замын цагдаагийн газрын алба хаагчид энэ сарын 21-нд тээврийн хэрэгсэлд үзлэг шалгалт хийжээ. Шалгалтын үеэр сэжиг бүхий тээврийн хэрэгслийг саатууллан шалгахад “Range Rover” маркын автомашинаар 64.4кг мөнгөн ус бусдад худалдан борлуулахаар тээвэрлэж авч явсаныг таслан зогсоосон байна.

Тодруулбал, их хэмжээний мөнгөн усыг О, Ц нар хууль бусаар авч явсныг сатуулан Монгол Улсын Эрүүгийн хуулийн 214.1.1-т зааснаар эрүүгийн хэрэг үүсгэн шалгажээ. Мөн гэмт этгээдүүд дунд ОХУ-ын нэг иргэн байсан  байна.   Уг хэргийг Баянгол дүүргийн цагдаагийн I дүгээр хэлтэс шалгаж байгаа ажээ.

Түүнчлэн эрүүгийн хуулийн 214¹.1.Химийн хорт болон аюултай бодисыг зөвшөөрөлгүйгээр экспортлох, импортлох, хил дамжуулан тээвэрлэх, үйлдвэрлэх, хадгалах, худалдах, худалдан авах, тээвэрлэх, ашиглах болон бусдад дамжуулсан бол хөдөлмөрийн хөлсний доод хэмжээг тавин нэгээс хоёр зуун тавь дахин нэмэгдүүлсэнтэй тэнцэх хэмжээний төгрөгөөр торгох, эсхүл гурван жил хүртэл хугацаагаар хорих ял шийтгэнэ хэмээн заасан байдаг юм.