Аваргуудын лигийн В хэсгийн хоёр тоглолт өнгөрсөн шөнө боллоо. Энэ хэсгийг тэргүүлж байсан Италийн “Наполи” клуб талбайдаа хамгийн сул өрсөлдөгч гэж хэлж болохоор “Динамо Киев” клубыг хүлээж авсан ч хожиж чадсангүй. Бүр гоол ч оруулж чадалгүй хуурай тэнцлээ. Ингэснээр 8 оноотой болж, хэсгээс нэгээр гарах боломжоо ашиглаж чадсангүй. Гэхдээ 6 дугаар тойрогт хожиж чадвал хэсгээс нэгээр гарна.

Нөгөө талд Туркийн “Бешикташ” клуб талбайдаа Португалын “Бенфика”-г хүлээж авч, гайхалтай нэхэлтийг хийж, 3:3-аар тэнцсэнээр хэсгээс гарах боломжоо хадгалж үлдлээ. Португалын багийн хувьд 8 оноотой болсон бол “Бешикташ” 7 оноотой боллоо. Тиймээс сүүлчийн тойрогт яаж тоглохоос хамаарч хэсгээс нэгээр ч гарах боломж байна.

Тоглолтод зочин багаас Гонсалу Гедеш 10, Нелсон Семеду 25, Фейса 31 дэх минутад гоолдсон. Гэвч “Бешикташ”-аас Тосун 58, Куарежма 83, Абубакар 89 дэх минутад гоолдсоноор гайхалтай эргэн эрэлтийг хийж, тэнцүүлжээ.