Насжилт нь дууссан өөрөөр хэлбэл 10-20 жил явж буй микро автобуснуудыг өнгөрсөн тавдугаар сард үйлчилгээнээс хасах байсан ч тодорхой шалтгааны улмаас хасаагүй билээ. Тодруулбал, хотын ихэнх чиглэлд микро автобус явдаг.

Тус автобусаар үйлчлүүлдэг иргэд ч олон бий. Хэрвээ микро автобусыг үйлчилгээнээс хасвал иргэд үйлчүүлэх унаагүй болох байсан аж. Тэгвэл уг автобусыг орлуулах хэрэгслийг оруулж ирсэн байна.

Үүнтэй холбогдуулан насжилт нь дууссан 170 микро автобусыг наймдугаар сараас эхлэн үйлчилгээнээс хасах гэнэ. Сонирхуулахад нийслэлин хэмжээнд 270 гаруй микро автобус гэрээтэйгээр ажилладаг ажээ.