NBA-ын талбайд таван тоглолт боллоо. Залуучуудаар багаа бүрдүүлсэн Милоуки Багс талбай дээрээ Чикаго Буллз багтай тоглолоо.

Эхний гурван үед Буганууд гайхалтай тоглож 36 онооны илүүтэй дуусгажээ. Гэвч шийдвэрлэх үед онооны зөрүүг Бухнууд найм болгож ойртуулсан ч 97-108 харьцаагаар хожигдол хүлээлээ. Жими Батлер 21, Дуэйн Уэйд 20,  Таж Гибсон 19 оноог авсан ч бусад тоглогчид нь тааруухан тоглож улирлыг 13 хожил, 12 хожигдолтой дорнод бүсийн 6-рт бичигдэж байна.

Харин Буганууд 12 хожил, 12 хожигдолтой дорнод бүсийн наймад эрэмбэлэгдэж байгаа бол тус багаас Яннис Антитокумпо 30 оноо, 14 самбараас бөмбөг авч багаа тэргүүлсэн бол  Жабари Паркер 28 оноогоор тусалжээ.