Испанийн Ла лигийн 16 дугаар тойргийн эхний тоглолтууд өнгөрсөн шөнө боллоо. Тэгвэл хүснэгтийн гуравдугаар байрт бичигдэж байсан “Севилья” клуб талбайдаа “Малага”-г хүлээж авч, 4:1-ээр буулгаж авлаа. Ингэснээр 33 оноотой болж, хоёрдугаар байр руу орж ирлээ. Өнөөдөр “Барса”-гийн тоглолтоос шалтгаалж байр ухрах боломжтой.

Тоглолтын 25, 28 дахь минутад Вьетто хоёрыг оруулсан бол Бен-Йеддер 34, Витоло 35 дахь минутад нэгийг нэмжээ. “Севилья”-гийнхан ердөө л 10 минутын дотор асуудлыг шийдсэн. Тэгвэл 61 дэх минутад Адиль Рами улаан авч, талбайн эзэд хүн дутаа хоцорсон. Түүний дараа 65 дахь минутад “Малага”-гаас Сандро Рамирес нэр төрийн ганц гоол оруулжээ.

Бусад тоглолтын үр дүн

Спортинг Хихон 1-3 Вильярреал

Атлетико 1-0 Лас-Пальмас

Гранада 0-2 Реал Сосьедад