Хөдөлмөр, нийгмийн хамгааллын сайд Н.Номтойбаяр өнөөдөр Эрүүл мэнд нийгмийн даатгалын ерөнхий газрын албан хаагчидтай уулзаж,  санал бодлоо солилцлоо. Уулзалтын үеэр тэрбээр "Бидний ажлын цаана ямагт хүмүүс байдаг. Тиймээс та бүхэн даатгуулагч нэг бүртэй нүүр тулан ажиллаж, илүү санаачилгатай байх нь зүйтэй. Ирэх жилүүдэд бодлогын шинэчлэлийн асуудалд оролцоорой.

 Мөн хүмүүсийн санаа бодлогын сайн ойлгож, иргэдийн өмнө үүд хаалгаа байнга нээлттэй байлгаж хамтын ажиллагаагаа шинэ түвшинд гаргаж ажиллаарай. Яамны зүгээс ирэх онд бодлогын хүрээнд томоохон шинэчлэлүүдийг хийхээр төлөвлөж байна. Тиймээс та бүхэн салбарын шинэчлэлийн асуудалд анхаарч ажиллаарай" гэв.

Мөн дээрх уулзалтын үеэр Н.Номтойбаяр сайд салбарын шилдэг байцаагч нарын шагналыг нь гардуулан өгсөн юм.