Өнгөрсөн амралтын өдрүүдэд Улаанбаатар хотын Замын цагдаагийн газарт зам тээврийн ослын холбогдолтой 344 дуудлага бүртгэгдсэн байна. Үүнээс өнгөрсөн амралтын өдрүүдэд хөдөө орон нутгийн замд дөрвөн хүний амь нас хохирч, гурван хүн хүнд хөнгөн бэртэж гэмдсэн байна. Түүнчлэн бага насны хүүхэд амиа алдсан тохиолдол ч бүртгэгджээ.

Тодруулбал, Төв аймгаас хойш 20 км-т орших Алтанбулаг сум Аргалант багийн “Хүн овоо” гэх газар шороон замд H.Sonata маркийн авто машины жолооч Х нь явган зорчигч  нэг нас гурван сартай эрэгтэй А-г ухарч байгаад дайрч амь насыг хохироосон хэрэг гарчээ.

Мөн Төв аймгийн Бор нуур сумын нутаг “Урьхан” зоогийн газраас хойш 1 км-т асфальтан замд T.Nadia  маркийн С жолоочтой авмто машин онхолдож  жолооч 26 настай эрэгтэй С, зорчигч 19 настай эмэгтэй М нарын хоёр хүний амь нас хохирч гурван хүн гэмтсэн байна. Иймд Улаанбаатар хотын Замын цагдаагийн газраас хөдөө орон нутгийн замд хурд хэтрүүлэлгүй,  болгоомжтой явахыг анхаарууллаа.