АНУ-ын Калифорни мужийн Сакраментод мужийн Засгийн газрын ордоны өмнө цуглаан хийж байсан неонацистууд  “Counter protester” бүлэглэлийн гишүүдтэй мөргөлдөж, долоон хүн гэмтэн эмнэлэгт хүргэгдсэн байна. Тэдний хоёрынх нь бие туйлын хүнд байгаа ажээ. Зодооныг “Counter protester” бүлэглэлийнхэн эхлүүлсэн байна.

Тус мужийн Аюулгүйн албаныхны албан ёсны твиттер сүлжээнд бичигдсэнээр эмнэлэгт хүргэгдсэн өвчтөнүүд хутганы шархтай байх бөгөөд одоогоор аль бүлэглэлд харьяалагддаг эсэх нь тодорхойгүй байгаа юм. “Sacramento Bee” сонинд бичсэнээр неонацист бүлэглэлийн 25 гишүүн жагсаал хийж байхад “Counter protester” бүлэглэлийн 150 гаруй хүн ирж, үймээн дэгдээж, томоохон хэмжээний зодоон болсон байна.