Английн хөлбөмбөгийн холбооны цомын 1/32 шигшээн хүрээнд алдарт “Ливерпүүл” клуб талбайдаа доод лигийн “Плимут” багийг хүлээж авч, 0:0-ээр тэнцсэн билээ.  Ингэснээр хариу тоглолтоор асуудлыг шийдэхээр боллоо.

Харин “Ливерпүүл” ирэх долоо хоногийн даваа гарагт “Манчестер Юнайтед”-тай тулах учраас холбооны цомд сэлгээний бүрэлдэхүүнээ гаргалаа. Энэ нь “Ливерпүүл”-ийн түүхэн дэх хамгийн залуу гарааны бүрэлдэхүүн байжээ. Тодруулбал, Юрген Клоппын гаргасан бүрэлдэхүүний дундаж нас 21 жил 296 хоногтой байсан аж.

“Ливерпүүл”-ийн бүрэлдэхүүн:  Кариус, Александер-Арнолд, Гомес, Морено, Эджариа (Лаллана, 75), Стюарт, Жан (Старридж, 63), Лейва, Оджо, Вудберн (Фирмино, 75), Ориги.