Дасгалжуулагчтайгаа муудалцсаны улмаас бэлтгэлдээ оролцохгүй байсан “Челси” клубын довтлогч Диего Коста эргээд бэлтгэлээ хийж эхэлжээ. Өчигдөр Коста “Челси”-гийн бэлтгэлийн баазад ирж, үндсэн багийнхнаас тусдаа бэлтгэл хийсэн юм байна.

Өдгөө 28 настай Испани эрийг бэлтгэлдээ оролцолгүй, гурав хоног тасалсан учраас Антонио Конте “Лестер”-ийн эсрэг тоглолтын бүрэлдэхүүнээс хассан юм. Коста дасгалжуулагчийн багтай муудалцсан шалтгааныг Хятадын “Тяньцзинь Цюаньцзянь” багаас жилийн 30 саяын цалин өгөхөөр амалсантай холбоотой хэмээн үзэж байгаа билээ.