“ДОЗ” энтертайнментын захирал Ш.Доржсүрэн, гэргий А.Мөнгөнзулынхаа хамт нэгэн иргэнд хандив өгчээ. Тодруулбал, тэд нэгэн эмээд дулаан, тохилог гэр бэлэглэсэн байна. Бусаддаа үлгэр дуурайлал болж, сайн үйлс бүтээж яваа тэдний санаачилгыг өвөрмонгол найз н.Алтансүх, н.Батхишиг нар дэмжиж,  элэг нэгтнүүдээ уриалснаар олны хандив тусламжаар эмээ, охин хоёрыг гэртэй болгосон аж.

Харин энэ тухайгаа жүжигчин А.Мөнгөнзул “Хамгийн хүйтэн өдөр хамгийн халуун сэтгэл гаргаж жинхэнэ хүндийг үүрсэн залуусдаа маш их баярлалаа. Найз Алтансүх, түүний гэргий Батхишиг нартаа монголчуудынхаа өмнөөс баярласнаа илэрхийлье” хэмээн фэйсбүүк хуудсаараа дамжуулан талархал илэрхийлжээ.