Мухаммед Алиг эцсийн замд нь үдэв
“Агуу” хэмээх хочит мэргэжлийн боксын домог болсон тамирчин Мухаммед Алиг эцсийн замд нь үдэх оршуулгын ёслол өнөөдөр боллоо. Мэргэжлийн боксын рингэнд гурван ч удаа дэлхийн аваргын бүсийг зүүж байсан анхны тамирчин гэгддэг тэрээр өнгөрсөн долоо хоногийн пүрэв гарагт өвчний учир 74 насандаа таалал төгссөн юм.
Түүнийг эцсийн замд нь үдэх ёслол төрсөн нутаг болох Кентакигийн эрх чөлөөний танхимд зохион байгуулагдаж, домогт тамирчны гэр бүл үр хүүхэд, мянга мянган шүтэн бишрэгчид нь оролцож, мусальман шашны ёс жаягийн дагуу оршуулгын ёслолыг үйлджээ. Ёслолд түүний бэлбэсэн эхнэр болон дөрөв дэх эхнэр нь болох Лонне Лайла, Ханна гэх охидуудаа дагуулан ирснээс гадна Сидней гэх зээ охин нь ч мөн хүрэлцэн ирсэн байжээ. Мөн хоёр дахь эхнэр Халлилах Камачо Али, гурав дахь эхнэр Вероника Порче Али нар ч хүрэлцэн ирсэн байжээ.
Энэ мэтээр Мухаммед Алиг нутаглуулах ёслолын ажиллагаа мусальман шашны дагуу хоёр өдрийн турш үргэлжлэх бөгөөд өнөөдрийн үйл ажиллагаанд 14 мянган хүн ирсэн гэсэн мэдээлэл байна. Харин Алигийн анхны эхнэр Сонжи Рой 2005 онд таалал төгссөн байдаг билээ. Мухаммед Али 1981 онд зодог тайлж байжээ. Тухайн үед боксын рингэн дээр 61 удаа тулалдсанаас 56-д нь хүнд цохилтоор өрсөлдөгчөө буулгаж авч байсан юм байна.
.jpg)
.jpg)
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
