Дуучин Бейонсе жирэмсэн болжээ. Гэхдээ бүр хоёр ихэр хүүхэд тээж буйгаа өчигдөр зарласан байна.  Реппер Жэй Зи, дуучин Бейонсе нарын хөгжмийн ертөнцийн хүчирхэг хосууд эдүгээ таван настай охинтой юм. Тэгвэл саяхан дуучин бүсгүй инстаграмм хуудастаа нимгэн гивлүүр нөмөрч өвдөглөн суусан хөл хүнд зургаа нийтэлжээ.

Харин уг зургийг Жэй Зи хуваалцахдаа “Аз жаргалаа та нартайгаа хуваалцмаар байна. Манайх хоёр хүнээр бүл нэмэхээр болсон. Үнэхээр баяртай байна” гэх тайлбарыг зүүжээ. Ямартай ч, урлагийн ертөнц дэх хамгийн гайхалтай хосууд хоёр ч хүүхдээр бүл нэмэх нь ийнхүү баттай боллоо.