Хуульд зааснаар 1 болон 6-аар төгссөн улсын дугаартай тээврийн хэрэгсэл нэгдүгээр сард, 2 болон 7-оор төгссөн улсын дугаартай тээврийн хэрэгсэл хоёрдугаар сард багтаан албан татвараа төлөх ёстой. 1, 2 дугаар сард татвараа төлвөл зохих нийт 170 мянга 260 тээврийн хэрэгсэл эзэмшигч байгаагаас 77 мянга 533 буюу 41,6 хувь нь татвараа төлжээ.

Тодруулбал, нэгдүгээр сард татвараа төлөх ёстой буюу 1, 6-аар төгссөн улсын дугаартай 80 мянга 382 тээврийн хэрэгсэл байгаагаас 36 мянга 636 тээврийн хэрэгсэл буюу 45 хувь нь хамрагдсан аж.  Харин 2, 7-оор төгссөн улсын дугаартай 89 мянга 878 тээврийн хэрэгслээс 34 мянга 370 тээврийн хэрэгсэл эзэмшигч татвараа төлсөн байна.

Энэ нь 2017 оны 1, 2 дугаар сард албан татвараа төлөх ёстой 80 мянга гаруй тээврийн хэрэгсэл одоогоор татвараа төлөлгүй замын хөдөлгөөнд оролцож байна гэсэн үг. Эдгээр тээврийн хэрэгслийн жолооч нарыг шалгаж, гэрчилгээг нь хурааж авч, харьяа дүүргийн татварын хэлтэст нь өгөх аж. Мөн татвараа төлөөгүй хэмээн торгох ажээ. Тиймээс жолооч нар татвараа, дээрээс нь торгуулиа төлж байж автомашиныхаа гэрчилгээг буцааж авах шаардлагатай болох юм байна. Ийм учраас жолооч нарт хурдхан татвараа төлөхийг уриалж байна.