Боловсрол суваг телевиз дэлхийн загварын ертөнцийн алдарт “Next Top Model”  шоу нэвтрүүлгийг эх орондоо тун амжилттай зохион байгуулсан. Тус шоуны сүүлийн шатанд өөр өөрийн гэсэн өвөрмөц дүр төрхтэй гурван бүсгүй шалгарч үлдсэн хэдий ч Б.Цэрэндолгор ялагчаар тодорсон билээ.

Тэгвэл ялагч бүсгүй ирэх наймдугаар сард Сингапур улсыг зорих болсон гэнэ. Тэрбээр нэгэн сайтад өгсөн ярилцлагадаа “Looque” загварын агентлагтай өнгөрсөн даваа гаригт продюсер эгчтэйгээ сууж байгаад мэйл бичээд бүх зүйлээ тохирсон. Ирэх наймдугаар сард Сингапур явж ажлаа эхлүүлнэ. Түүнээс өмнө эндэх ажлуудаа амжуулах боломжтой хугацаа байгаа” хэмээн ярьжээ. Ямартай ч авьяаслаг, чадварлаг бүсгүй дэлхийн загварын ертөнцөд хөл тавьж, эх орныхоо нэрийг гаргах цаг удахгүй биз ээ.