Тайванийн нийслэл Тайпей хотноо өчигдөр “Шинэ Тайвань Ван Жинь Ши 2017” марафон гүйлтийн олон улсын тэмцээн  боллоо.  Энэхүү тэмцээний   эмэгтэйчүүдийн төрөлд манай тамирчин ОУХМ Б.Мөнхзаяа түрүүлсэн байна. Тэрбээр 02:28:08 секундын амжилт үзүүлж түрүүлсэн бол  хоёрт орсон Эфиопын Дебела Белда түүнээс 13 секундээр хоцорчээ.

Тэмцээнд 12 000 тамирчин өрсөлдсөнөөс олон улсад амжилт үзүүлсэн 32 өндөр зэрэглэлийн гүйгч байсан аж.  “Шинэ Тайвань Ван Жинь Ши 2017” уралдаан нь Олон улсын хөнгөн атлетикийн холбооны “Хүрэл” сертификаттай, 2015 оноос хойш энэ жил гурав дахь удаагаа зохиогдож буй тэмцээн юм байна.