УИХ-ын гишүүн Д.Тэрбишдагва залуу малчдыг доромжлов

УИХ-ын гишүүн Д.Тэрбишдагва залуу малчдыг доромжлов

УИХ-ын ээлжит чуулганаар малчин, хувиараа хөдөлмөр эрхлэгчийн тэтгэврийн  даатгалын шимтгэлийг нөхөн төлүүлэх тухай хуулийн төслийг хэлэлцүүлсэн юм. Энэ үеэр ойрд харагдахгүй шахам байсан УИХ-ын гишүүн Д.Тэрбишдагва байр сууриа илэрхийлж үг хэлэхдээ Монголын малчдыг мэргэжлийн бишээр нь дуудаж, залуу малчдыг сүрхий доромжиллоо.

Тэрбээ “Мэргэжлийн малчин бэлтгэмээр байна. Залуу малчид цөөрсөн талаар ярилаа. Тэднийг жинхэнэ мэргэжлийн малчин болгож бэлтгэх хэрэгтэй. Мөн бусад улсуудад туршлага судлуулмаар байна. Ахмад малчдаас туршлага судлуулмаар байгаа юм” хэмээн ярив.

Залуу малчин цөөрч байгаа нь үнэн ч тэднийг мэргэжлийн биш хэмээн хэлж байгаа нь жинхэнэ утгаар нь доромжилж байгаагаас ялгаа юу байна. Тэгээд бас гадаадад туршлага судлуулна ч гэх шиг. Монголоос өөр улсад бэлчээрийн мал аж ахуй гэж бараг байхгүй ч эрхэм гишүүн мэддэггүй бололтой. Тэгээд ч Монголын малчид арай ч гаднаас туршлага судлахдаа тулчихаагүй л байна.

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.