Мөрийтэй тоглоом зохион байгуулж, их хэмжээний ашиг олсон байж болзошгүй Монголын зургаа, БНСУ-ын гурван иргэнийг баривчилжээ.
ЦЕГ-ийн Кибер гэмт хэрэгтэй тэмцэх газар уг үйлдлийг энэ оны нэгдүгээр сарын 8-ны өдөр илрүүлсэн байна. Мөрдөн шалгах ажиллагаа явуулж, хэрэгтнүүдийн байрлаж байсан газраас олон тооны газар утас, өндөр хүчин чадал бүхий компьютер, төхөөрөмж, банкны карт, хадгаламжийн дэвтэр, олон улсын гүйлгээ хийх төхөөрөмж, олон улсын болон үндэсний мөнгөн тэмдэгтийг хураан авчээ.
